「贏馬一條龍，輸馬一條蟲」正好是潘頓的寫照，上季做騎師榜二哥的他，不時有神級發揮，如「文藝復興」在741場次取勝一役，便有賴騎者的步速智慧而重開勝門。另外，「光芒再現」在637場次雖排11檔，但仍在這澳洲好手出色發揮下，早段成功切入慳位，最終更從馬群殺上奏凱，這些頭馬都教人津津樂道。
可是潘頓上季也不乏劣作，首推自不然係「世澤之星」，出閘至到最後四百米都冇問題，但末段居然兩度有機會移入貼欄有利路段唔揀，偏偏走入馬林死位，終點前先再移入貼欄位置望空，天都光啦！