由奧斯卡影后珍妮花羅倫絲（Jennifer Lawrence）主演嘅《媽媽！》（Mother! ）本來被視為威尼斯影展金獅獎大熱門之一，噚日佢仲連同電影導演兼男友Darren Aronofsky風騷現身，不過套戲放映完之後，睇怕佢都應該要好尷尬咁走，事關電影劣評如潮，更有指放映完遭觀眾狂噓，大鬧結局唔合理。

今日幾個傳媒如《The Daily Beast》、《Variety》及《The Playlist》都狂踩電影，毫不客氣，《The Daily Beast》指：「套戲根本就係設計嚟玩你。」，《Variety》就話：「這套戲遠遠稱唔上係傑作。」又話會睇到人暈。踩得最厲害都係《The Playlist》：「《媽媽！》會令你對眼同腦都反到去頭骨後面！」睇嚟呢部原本嘅大熱作都爭獎無望。