【新增內容及圖片】
現年38歲嘅《鬼怪》韓國男神孔劉，去年《鬼怪》播完後就一直未有新作，放咗成年多假，工作量唔算多，除咗為雜誌影相外，亦有出席品牌活動，今年亦有現身「第54屆百想藝術大賞」。

而孔劉就特別益台灣粉絲，今日將第三度訪台，出席明日舉行代言活動，到時仲會同現場千名粉絲見面。孔劉繼去年4月到台灣舉行粉絲見面會之後，同年8月再訪台出席代言手機活動，今午佢就從韓國仁川機場出發飛去台灣，佢以一身便服現身機場，雖然戴上太陽眼鏡，但心情大好，見到傳媒拍照都有打招呼。

另外，大約到晚上6時左右，孔劉就抵達台灣桃園機場，佢亦有親切打招呼，有粉絲遞禮物，佢亦伸長手接下，親民度爆燈，現場仲有10多名免稅店員工同航警苦候，只為一睹男神風采。

更多韓流，喺晒《娛果》
http://fb.com/appledailyent