人氣劇《太陽的後裔》大結局之後，好多劇集都要搵定新一套劇嚟追，近日韓網就進行咗一個「預計播出的連續劇中最期待的作品」調查，問咗15,134名網民意見，結果由tvN新劇《DearMyFriends》以20.9%成為最期待韓劇，而第二及第三名就分別係黃靜茵新劇《好運羅曼史》（17.9%）及「國民初戀」秀智嘅《任意依戀》（14.1%）。

《DearMyFriends》以「人生還沒有結束，我們還活著」為主題，圍繞一眾走向人生盡頭嘅朋友之間嘅故事，由韓劇《善德女王》高賢貞主演，加上劇集搵嚟趙寅成及李光洙等人合作，演出陣容令人期待，而新劇將於13日喺tvN首播。