三屆英國冠軍騎師蘇兆輝剛周日（23日）憑「達龍駒」及「放馬過來」起孖，兼且做埋騎師王，氣勢之盛一時無兩。

練馬師呂健威都要搵佢幫手，周三（26日）第二場四班快活谷1650米「紫電明珠」 將首次由猛人輝策騎出賽。

今朝（24日）六點半，蘇兆輝專程到場策騎此駒到大圈操練，呂健威則在烽火台全程用望遠鏡睇到實，騎師落馬後更走到烽火台向練馬師匯報馬匹操練狀況，動態非常緊張。

「紫電明珠」今季仍能夠在同程交出頭馬，八歲馬老而彌堅，今次有擅長放頭的蘇兆輝壓陣，值得睇好。