李八方online︱張崑陽推實體海外香港雜誌《如水》
蘋果日報 2021/01/09 21:28
張崑陽李八方online如水
喺政權運用《國安法》呢把尚方寶劍，準備將本港民主運動置諸死地嘅時候，已經流亡嘅前民間外交網絡發言人張崑陽喺Facebook宣佈，佢連同其他流亡人士，包括港大《學苑》前總編輯梁繼平、外號「滑鼠娘娘」嘅前鍵盤戰線發言人鄺頌晴、前本土民主前線發言人黃台仰等，合力編寫名為《如水》嘅首本實體海外香港雜誌，前香港眾志主席羅冠聰仲擔任其中一位雜誌顧問，希望可以「以文字書寫出我們的信念和堅持，在黑夜中為大家提供希望的憑藉」，一齊撐住咁話啊。
《如水》除咗係提醒大家要「Be Water」之外，創刊號會以「絆」為主題，意味將香港由過去到而家、個人都社會嘅各種羈絆呈現畀香港人睇。《如水》將會以季刊形式出版，一年四季，風雨不改咁發送畀全球香港人，希望可以「陪伴大家走過春夏秋冬」，更祝願「香港人可以早日一起共建新香港」。
喺呢個風雨飄搖嘅日子裏面，大家嘅互相支持都好重要，《如水》就正正體現左香港人可以如何係極權嘅打壓底下，運用智慧尋找出路。如果有興趣，不妨去呢度了解更多。
張崑陽推出實體海外香港雜誌《如水》，創刊號將會以「絆」為主題，講出香港由過去到現在、個人到社會嘅羈絆。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！