神隱多年的蔡興麟近年重歸樂壇，今天他到商台宣傳新廣東歌《背囊》，表示外間對新歌反應非常好，新歌講述的是他入行以來的感受，他說：「每個人都有個背囊，係好重嘅，好多人嘅背囊都係放啲唔開心嘅嘢，但係我嘅背囊係放咗支持同愛。呢隻歌會出唱片，作慈善義賣，幫助導盲犬，之後仲會出國語歌、粵語新歌同開演唱會。」

提到新碟附送一個肖像行李牌，蔡興麟笑言造型較似自己，他說：「呢個image比較係我，以前唱片公司都要我官仔骨骨，行為講嘢都要學，係為新人好嘅，但而家就鍾意講乜都得，做番自己。」他又笑言平日不愛扮靚，隨意戴帽穿便服和拖鞋也可以出街，問到他有否保養？他笑說：「我冇㗎！連面膜都唔會用，喺演唱會前有人迫我先會用，因為我覺得煩。」

另外，深受年輕一代喜歡的獨立音樂人Serrini今天亦於商台宣傳新歌《靜謐神林》，向來創作與別不同的她，希望歌迷心領神會新歌內容，她說：「希望大家一邊聽歌，一邊諗到入到去自然景象，內容可以係諗番已逝去嘅故人、愛情追尋、眼前人嘅迷失、甚至入咗魔界，遠離時代。」

Serrini下月將在旺角麥花臣場館舉行音樂會，她透露已賣出8成門票，反而企位反應一般，她笑說：「可能我嘅觀眾年齡層高咗，唔鍾意企。」她還指音樂會充滿黑暗元素，還會鞭打觀眾，她說：「因為新嘅實體碟我會送皮鞭同喱士手套，都係我創作嘅。家人都會嚟睇，我都好驚，因為會好瘋狂同尖叫，希望大家抱住強大嘅幽默感，我就當一個網友聚會。」

-----------------------------
《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V
-----------------------------
【記住63836568】全民爆相爆片！下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI