35歲周柏豪和老婆Stephanie結婚3年，今日《蘋果》獨家爆料柏豪已靜雞雞做了老竇，太太於本月2日在港島港安醫院秘密誕下女嬰，母女平安。今日下午4時15分，柏豪跟數名友人離開醫院，記者上前恭喜時，他大方承認已為人父，之後便上車離開。

到下午7時許周柏豪由助手陪同，再到醫院探望太太及囡囡。一大班記者已聞風趕到，他大方接受訪問︰「好開心，幸福唔係必然啦，成日都覺得。同太太咁幸運同幸福有一個咁可愛BB女，但仲未改名。出世6磅7安士，醫生話母女平安同健康，呢個好感恩。」他解釋因為家中老人家多，他們希望返到屋企最安全情況，小朋友又不會「小氣」之下，才跟大家交代。但既然大家反正知道，亦沒有關係，反正都是一件開心事，柏豪透露太太是剖腹生產︰「有入產房陪太太，先知道女人好堅強，以為自己handle到，點知十秒就喊，反而太太叫我堅強啲，唔好嚇親啲醫生同護士，過程好感動。」他笑言目前太太照顧BB，自己就負責照顧斟茶遞水的工作，雖然做不到任何事已經好攰，更何況照顧BB的太太，所以覺得女人好偉大。

他又自爆望住BB「不眨眼」，他笑說︰「望住BB幾秒，轉個頭又好似冇望好耐咁，中間其實隔幾秒，又要望。另一樣改變係以前鍾意深色衫，個女出世之後，幫佢揀晒啲衫都係粉紅、粉藍，屋企衣櫃都係粉紅色，費事嚇親佢。」他透露囡囡是前日出世，過兩日才出院回家，BB會找命理師傅，根據攞時辰八字改名，所以會叫住「BB」同「囡囡」︰「嘴似我囉，有個啄，應該好多口，應該我會受晒，人哋都講，生女都係蝦爸爸，希望嗰女有家教唔會蝦爸爸啦。一路都有獎太太，身家、樓所有嘢都係佢嘅。」

採訪、攝影︰梁繼光、羅德光

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇