近年內地嚴厲打擊吸毒，唔少藝人都出事，前兩年就有孫興同莫少聰高調被捕，早前就有李代沫，張默同張耀揚，而內地早前就有42間經理人公司簽訂《北京市演藝界禁毒承諾書》，承諾唔會錄用涉毒藝人。

點知轉個頭，台灣男藝人柯震東昨晚盛傳因吸毒被捕，今日內地方面更已經證實拘捕柯震東，好多網友都睇唔過眼，改咗張《監獄風雲》海報贈慶，入面有柯震東、張耀揚、張默、李代沫、寧財神等人，仲有之前因為嫖妓被捕嘅藝人黃海波、以及涉及賭博被捕嘅網路名人郭美美。

網友諷刺咁話:「《監獄風雲》劇組前兩天剛簽了高虎，今天一簽了柯震東，不知道下一個大牌又是誰請朋友們珍惜生命，遠離毒品」。