【陳煒送彩蛋】王梓軒首辦網上生日會 阿Bob隔空「送女」做賀禮
陳煒林盛斌王梓軒
王梓軒在武漢肺炎爆發前去了美國進修,雖然當時疫情嚴峻,但他仍堅持完成課程才回港。上周三他在美國度過34歲生日,他特別舉辦了一個網上生日會,除了各地的Fans參與外,還有好友陳煒隔空送雞蛋、林盛斌(Bob)「送女」,阿Bob笑指:「梓軒乜都有,係冇女朋友,我將霏霏交畀佢做女朋友。」梓軒笑說:「佢竟然將12歲囡囡交畀我做女朋友,呢份禮物雖然好窩心,我亦都好感激,但我諗排到下年都未輪到我,因為陳國鋒個仔一早已經抽咗籤。」
而首辦網上生日會的梓軒說:「我哋跨越咗時差、技術嘅問題,做咗個大型視像會議,真係好大驚喜,真係好似現場Party一樣,見大家準備汽球、蛋糕咁有心,好感動呀!」此外,梓軒表示將會開設個人網店,有專輯及其他商品出售,同時會透過網絡平台分享自己設計的健身、音樂和正向思想課程。
-----------------------------