《同盟》入面除咗主打鮑姐鮑起靜加盟大台第一套劇之外，仲有陳展鵬同胡定欣、陳山聰同姚子羚嘅感情線都好多人留意。

其中主角陳展鵬同胡定欣呢一pair喺早前出街嘅《城寨英雄》入面飾演情侶檔非常之咁受歡迎，似乎大台當時仲想食住個勢，冇耐就開拍《同盟》呢埋劇。

而劇中亦不負眾望，基本上每兩集就有陳展鵬同胡定欣談情嘅戲份，十足十拍住拖咁拍劇，就好似出街冇耐，就有陳展鵬同胡定欣喺扮成一樓一場景入面仲連場肉搏，最後胡定欣一對長腿仲夾住陳展鵬個頭。

其實劇中胡定欣真係非常之大犧牲，其中一幕佢仲成個「pat pat」坐喺陳展鵬身上。另外，仲有一幕喺浴缸同陳展鵬一齊浸泡泡浴，胡定欣仲大晒一對白滑長腿。

不過仲有幾幕真係幾難頂，就好似上星期有一集，陳展鵬情挑胡定欣仲塗晒油騷肌，仲大玩浸身誘惑o添！而前日出嗰集仲講到陳展鵬受傷，胡定欣仲幫佢處理傷口，之後仲激吻o添！

但係佢哋都唔夠陳山聰同姚子羚呢一pair，由頭演情侶演到尾，激咀已經係濕濕碎，劇中仲講到鮑姐喺台灣被追瘢，佢哋兩個仲索性喺鮑姐面前結婚，sweet到呢！