一眾環保股上周五跌得較急，之前的升幅王中滔環保（1363）跌9.8%，收報3.13元；北控水務（371）跌5.2%，收報4.41元；光大國際（257）跌2.6%，收報9.11元。
估計急跌原因，是花旗的一份環保股報告。報告指雖然廢物能源使用增加，但地方憂慮安全及環境問題，例如近期上海及武漢都有垃圾焚燒廠爆炸或違規，憂慮地方將減慢審批新項目。

上述憂慮主要圍繞垃圾焚燒，受害應是光國，但跌得較多反而是兩隻水務股，暫時看來僅是假期前獲利多，第一，股價跟市同步下跌，唔算太不可思議；第二，北控水務最低見4.17元，收市又重上4.41元，掟貨之餘又有人肯買；第三，根據花旗報告，上述報道於本月5日及18日出街，照計跌唔會咁遲先跌。估本欄暫估上升故事未被破壞。
不過，若果之後出現通街升，只有這幾隻股份跌便要留意，因為有錢追貨都唔揀「政策概念股」，即係個政策已冇人buy，可以收手玩第二隻。本欄推介北控水務，11月20日推介開市價為4.12元，上周五差點拮穿，現時勉強叫有幾毫子守吓，惟有睇貼少少。
另一隻招商局置地（978），同樣為博升級故事，但跟北控水務不同，現水平是故事初期，高盛上周四推介開市價1.71元，高明認為是能否成局的信心指標，跌穿隨時延續過去大半年跌勢，暫時連跌兩日仍守得住，高明推介開市價1.84元，守得辛苦，明白的，要撐住。

高明
http://www.facebook.com/AppleKoming

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange