亞視終於出二月糧
葉家寶：升職會追加人工
蘋果日報 2015/03/06 00:00
【ATV告急之破冰沖喜】亞姐組成的「仁美清叙」，前晚在尖沙嘴舉行羊年新春團拜，仁美創會人暨應屆主席黎燕珊，副主席陳綺明等撐場。對於亞視陷財困冇糧出但近日仍讓趙汝強、梁小蕙和李正剛等六高層升職，但人工冇得加，葉家寶表示：「公司一直都有人離職、升職同加人，亦都有其他同事升職。呢個時間要捱下義氣，之後一定會追加番。」
葉家寶前晚被記者追問亞視何時發二月份薪金。
新舊亞姐難得在仁美清叙活動聚首一堂。
蔡國威：恭喜各同事
葉家寶就出糧問題，他前晚在博客預告今日有糧出，據知亞視人力資源科昨日向員工發電郵通知今日有糧出，六合彩之子蔡國威昨晚忍不住在facebook報喜：「Oh Yeah....公司終於在七日內發放到薪金了，恭喜公司，恭喜各同事，各位好友，冇拖糧啦......要一直向好，Pls（Please）。」
仁美早前傳出跟亞視不和，新一屆亞姐不能加入，但前晚團拜中，卻見亞視執行董事葉家寶帶着應屆亞姐冠軍張軼珺、網絡票選冠軍李玲玉和美國東岸冠軍劉佩欣到場，雙方關係破冰。問到亞視和仁美「破冰」，葉家寶笑說：「之前都唔係好結冰，應該融化啦。珊姐盛意拳拳邀請，我又係仁美嘅顧問，都想做番啲嘢，日後都會鼓勵亞姐出席慈善活動。」講到早前仁美跟亞視不咬弦，到底當中發生甚麼事？他說：「種種原因啦，主要亞姐檔期問題，佢哋又未必留喺香港。」至於黎燕珊講到破冰原因，她說：「唔知道，可能有時內部價值觀睇錯，𠵱家可以修補，做公益係好事，會游說今屆亞姐入會。」
採訪：卓寶花
攝影：沈健程
仁美早前傳出跟亞視不和，新一屆亞姐不能加入，但前晚團拜中，卻見亞視執行董事葉家寶帶着應屆亞姐冠軍張軼珺、網絡票選冠軍李玲玉和美國東岸冠軍劉佩欣到場，雙方關係破冰。問到亞視和仁美「破冰」，葉家寶笑說：「之前都唔係好結冰，應該融化啦。珊姐盛意拳拳邀請，我又係仁美嘅顧問，都想做番啲嘢，日後都會鼓勵亞姐出席慈善活動。」講到早前仁美跟亞視不咬弦，到底當中發生甚麼事？他說：「種種原因啦，主要亞姐檔期問題，佢哋又未必留喺香港。」至於黎燕珊講到破冰原因，她說：「唔知道，可能有時內部價值觀睇錯，𠵱家可以修補，做公益係好事，會游說今屆亞姐入會。」
採訪：卓寶花
攝影：沈健程
二○一四年度亞姐冠軍張軼珺拋胸撐場，成為全場焦點。