李彩華喺今年情人節同內地經營鋼鐵生意嘅富商Eric Hung結婚，婚後冇減產，長期喺內地拍劇，老公又忙做生意，聚少離多。雖然係咁，但完全冇影響佢哋嘅感情，學Rain話齋，小別勝新婚。Eric又好識氹老婆，好似520咁，就送咗架150萬嘅波子畀Rain，出手好闊綽。



每次喺香港，Rain都會揸住老公送嘅波子周圍去，呢日都唔例外。Rain同老友行過賣香水嘅counter，唔使半分鐘就扑槌買咗支香水。畀完錢同老友邊行邊吹水，咁又係，佢長期都喺內地拍劇，一有時間返香港，就梗係要見吓朋友啦。行完街，去停車場揸番架愛車走人，呢啲生活，不知幾寫意。講到幾時生小朋友，Rain有講話出年會計劃，不過，Rain唔想有太大壓力，況且佢未有心理準備，覺得有咗小朋友就冇咁自由，順其自然最好。

攝錄：吳斯金

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址