台灣藝人陳建州(黑人)同老婆范瑋琪一對孖仔陳睿飛、陳睿翔已經3歲，要開始返幼稚園，有台灣傳媒噚日影到黑人喺信義區現身，揸住價值2百萬嘅Benz去蒙特梭利幼稚園，違泊黃線等飛飛同翔翔放學，之後保母同黑人會合，一齊入校園，黑人抱住其中一個囝囝步出，不時貼面玩親親，安頓好飛飛、翔翔上車後，黑人揸車載小朋友同保母返家，等紅燈嗰陣，黑人拎手機出嚟撳吓，唔知係唔係睇得入神，變綠燈都唔知。

黑人一年前被影到揸林寶堅尼超跑時又係撳手機，當時黑人表示「抱歉⋯錯誤示範下次不敢了！一早被范范罵慘了」，如今載住小朋友都未改到呢個壞習慣，相信老婆范范又會話佢，此外，據知飛飛同翔翔所讀嘅幼稚園，就讀一學期學費要近3.5萬港元，而飛飛同翔翔亦成為小S囡囡嘅學弟。

精選娛聞，喺晒《娛果》
http://fb.com/appledailyent