陳煒同安德尊今日去到維園工展會，出席代言嘅電器品牌活動，煒哥仲即場用新出品嘅電器示範幾度小菜，已經係第二年代言嘅煒哥，問到今次有冇加人工？佢話：「呢樣就唔清楚要問經理人，不過老闆好好，送咗好多新出嘅電器畀我用。」

向來廚藝不俗嘅煒哥，問到會唔會希望快啲搵番個男朋友試佢嘅手勢？佢話：「唔一定係男朋友嘅，好多同事朋友都有食過。」對於拍拖，煒哥話：「呢排都忙住開工，身邊啲同事可能覺得我係前輩，所以就算係都唔夠膽，自己又冇特別心急，隨緣啦最緊要合眼緣。」最近拍緊新劇嘅佢話：「成個聖誕到農曆新年都要拍劇過，今次角色係飾演一位小學校長，要去到元朗一間小學度拍外景，因為實景所以拍攝時間要耐啲。」

更多娛聞，喺晒《娛果》
http://fb.com/appledailyent