【本報訊】空肚出席飲宴，隨時食到失控，結果得不償失。註冊營養師陳秋惠表示，「餓住」去飲易因太肚餓，開席時食得太快及太多，不知不覺間攝取過多熱量。飲宴當日應維持正常飲食或食得清淡，避免吃油膩食物，並盡量少食肉類，日間可改吃豆腐、豆類等含蛋白質食物代替。若飲宴前感到肚餓，不妨吃水果或手掌份量的原味果仁打底。
陳稱去飲要謹記慢慢進食，以控制食量，因身體在進食後至少20分鐘，腦部才獲得飽肚訊息。若一開始狂食或食得急，易因「唔知飽」而越食越多。飲宴時當遇到親朋戚友要為自己夾餸，不妨以健康為理由婉拒，甚至打包拎走與人分享。萬一最後不慎吃太多，之後數日飲食最好保持清淡，令腸胃休息。