英國呢幾日天氣極之寒冷，曼徹斯特、利物浦呢啲城市仲落大雪，搞到啲球賽差啲腰斬。英軍名宿奧雲擁有一架價值15萬鎊（約156萬港元)嘅跑車，為咗避免架車被大雪覆蓋，佢就諗咗個妙計出嚟，就係將部車泊喺大樹底下，希望可以擋下雪。但奧雲諗都冇諗到，啲雪落得太勁，大樹最終不勝負荷倒塌，仲壓住架車。

聰明反被聰明誤嘅奧雲事後喺twitter po文，話「朝早五點半見到咁嘅情況絕對係唔理想，因為我仲要趕火車!我仲覺得自己好聰明，以為大樹可以幫架車擋雪!」原來奧雲當日要去電視台做默郡打吡戰嘅評述員，而佢本身住喺威爾斯北部，所以要一早趕火車，但奧雲就冇講到最尾單嘢點收科。

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS