日本尊尼事務所偶像組合Hey! Say! JUMP（HSJ）落實7月初來港，屆時會擔任NTV台大騷《THE MUSIC DAY 以心相傳》海外演出環節，又會在港舉行粉絲見面會，係HSJ相隔六年再見港迷。

《THE MUSIC DAY 以心相傳》將於7月7日播出，GEM頻道會於當日下午4時40分作出同步直播，官方已公開fans參與活動，得獎者有機會獲得HSJ香港見面嘅通行証，名額只得50個，參加條件要係香港永久居民，仲要利用50字回答「為何你會想在香港見到HEY! SAY! JUMP」，並附上姓名、聯絡電話、地址、國籍等資料，在7月1日前電郵至[email protected]，註明「I Want to Meet Hey! Say! JUMP in Hong Kong!」(詳情可以參考： https://www.gemtvasia.com/TheMusicDay )

HSJ剛宣佈襲港，新一期日本雜誌《週刊文春》就爆料指25歲成員岡本圭人即將離隊，最快會在月底前公佈消息。岡本圭人以星二代姿態入行，父親岡本健一係80年代尊尼組合男鬥呼組主將，岡本圭人曾經同有村架純發展地下情，又曾被爆私生活亂七八糟，跟圈外女性玩一夜情被公開床照，更流連風俗店，多次留班嘅岡本圭人早前被爆已遭上智大學踢出校，而今次被指退團，尊尼方面尚未回應。

精選娛聞，喺晒《娛果》
http://fb.com/appledailyent