(更新回應)
台灣歌手楊丞琳同大陸歌手李榮浩嘅地下情被踢爆之後，佢哋唔再避忌兼愛得高調，外界亦一致睇好，期待佢哋早日傳出婚訊！

今日台灣傳媒報道，楊丞琳坦白話係有結婚嘅念頭：「雖然我們沒有特別聊過，但我們各自都還有眼前想要完成的目標，我覺得結婚，是要很有空才去做的事情，所以不會這麼快。」講到同李榮浩嘅相處，楊丞琳話佢哋好少鬧交，因為對方係一個唔計較嘅人，每次佢都會好幽默去回應，令你覺得好笑，最後就平息咗件事。

不過，楊丞琳話最大嘅改變係令佢放低明星包袱，佢話以前拍拖同男友拖手，感覺好似做咗虧心事，但係李榮浩嘅坦蕩蕩嘅性格改變咗佢嘅觀念，凡事唔需要重視太多細節，慢慢令佢覺得唔需要好似以前咁樣，到最後可以放鬆自己，好好享受舞台生活。

李榮浩舊年喺演唱會當眾錫楊丞琳，唔少人對呢一幕都記憶猶新，楊丞琳直言：「我那刻是有點受寵若驚嚇到了，然後心中有一種感動，那真的是以前從來沒有過的感覺，出道18年來，從來沒有過的，讓我想要當平凡人、正常人，一個不用躲藏的人。後來我跟我媽分享，我說那是一個什麼東西都換不來的感覺。」

但係楊丞琳今午3點幾喺微博作出回應，指自己應該唔會太快結婚，更指問答被曲解，佢寫道：「『他會讓你有想結婚的感覺嗎？問她。有。但應該不會那麼快。』這是實際上的問與答。卻變成『她還表示自己有結婚念頭。』兩句話的意思是有差異的，但依然感謝大家的祝福，不過以後我就不多聊囉​。」

精選娛聞，喺晒《娛果》
http://fb.com/appledailyent