幾日復活節紅假，不妨一家大細親親小動物！香港動植物公園會喺本月31日4同4月1日，即嚟緊星期六及日舉辦「動物護理聚談」活動，除咗畀市民認識園內動物，亦有機會了解一班動物飼養員，日常到底係點樣照顧呢班可愛小動物？據知屆時園內嘅資深動物飼養員，會同遊人分享照顧靈長類動物同雀鳥嘅心得，以及動物保育工作嘅情況。

呢次活動係「2018香港科學節」活動之一，費用全免，想知道婆羅洲猩猩、紅頰黑猿、皇狨猴、金頭獅狨猴、領狐猴、環尾狐猴、美洲紅鸛同丹頂鶴嘅生活習性同有趣故事，可以喺呢兩日上午10點或下午2點，喺動植物公園嘅教育及展覽中心詢問處集合，詳情亦可以喺辦公時間內致電25300154查詢。