楊穎(Angelababy)早前成為黃曉明太太，估唔到佢咁快又要着婚紗，而且新郎居然唔係黃曉明，而係陳曉。

原來Baby喺新戲《新娘大作戰》裏面同倪妮要爭嘅唔係新郎，而係因為酒店搞錯而剩低唯一一日嘅酒店檔期。搞到呢兩位戲中閨密各出奇謀去達到目的，務求可以嫁得出。其實Baby同倪妮私底下私交甚篤，喺Baby嘅姊妹團裏面倪妮都榜上有名。

另外，曾經有份執導過電影《全城熱戀熱辣辣》嘅導演陳國輝，最抵死地方就係戲中開頭搵到海棉寶寶黃曉明客串演新郎，不過佢娶嘅唔係Baby。