日本前首相小泉純一郎嘅演員兒子小泉孝太郎，被拍到與一名比佢細9年、從事美容行業嘅靚女交往，佢亦大方承認戀情。

據最新一期雜誌《女性SEVEN》報道，小泉孝太郎早前被拍到帶女友同朋友用膳，現場兩人態度親密，之後雙雙返回男方寓所過夜。消息指兩人於4、5年前經友人認識，直至去年發展成情侶關係。孝太郎受訪時大方承認戀情，指與女友係於去年夏天開始發展，亦早已將女方介紹畀屋企人認識，睇嚟兩人感情好穩定。

現年38歲嘅小泉孝太郎於2001年加入演藝界發展，拍過唔少日劇電影，而其弟弟小泉進次郎係眾議院議員，跟從爸爸加入政界。