電影《衝鋒車》今日喺旺角宣傳,任達華、譚耀文同姜皓文(黑仔)到場,但就欠吳鎮宇。
話說上次任達華缺席時,被鎮宇爆咗句「放假大晒咩?」,華哥受訪時則反擊:「我今日放棄呢個假,佢唔知去咗邊,復活節唔係大晒!」譚耀文亦附和表示:「我有問佢經理人佢去邊,都唔肯講。」黑仔則笑說:「我連老婆都放低喺屋企。」華哥表示專程從意大利返港,被問到係咪嬲鎮宇?佢笑言:「咁睇下佢識唔識做。」
提到亞視不獲續牌,黑仔說:「我戥班員工唔抵,我對亞視死心好耐,不過個電視台咁耐都可惜。」譚耀文曾拍過亞視《縱橫四海》,佢話:「重播過好多次,無憾喇!」