噚晚KBS新水木劇(逢周三、四播出)《七日的王妃》首播，由朴敏英、延宇振、李東健等人主演，雖然劇組喺開播前不停公開劇照谷劇，不過劇集依然以6.9%收視率包尾墊底，比上一檔劇集《推理的女王》結局嘅8.3%跌咗1.4%，但就有唔少網民大讚朴敏英嘅演技。

而俞承豪及金所炫主演嘅MBC劇集《君主－假面的主人》，噚晚播出嘅第13、14集分別有11.7%及13.6%收視，比起上周小幅下滑，但仍然穩坐收視冠軍寶座；至於由池昌旭、南志鉉主演嘅SBS《奇怪的搭檔》，噚晚最新兩集收視率為7.5%及9.3%，創下開播以嚟嘅收視新高，排同檔第二。