【一早落咗閘】拍《風林火山》建立默契 Juno：古仔講過唔唱Live

蘋果日報 2018/12/02 12:45

風林火山一個男人一個女人和浴室古天樂謝安琪麥浚龍
    謝安琪上年暫別樂壇一段時間專心做媽媽，獲麥浚龍（Juno）邀請合作復出，兩人除咗有合唱歌，亦都開過演唱會。最新嘅年度年度企劃係以董折、浦銘心兩個角色去貫穿所有歌曲及MV，而呢個故事入面，Kay有位第二任丈夫——藍定凌，呢個重任交咗俾古天樂，仲合唱咗一首歌名好長嘅歌，叫做《（一個男人）一個女人和浴室》。
    結果古天樂憑住半首歌，成功打入叱咤樂壇我最喜愛的男歌手最後五強，佢仲話有時間會考慮出席頒獎禮。而事件嘅「始作俑者」Juno噚晚喺中中環大館出席領賢慈善基金舉辦「The Art of Music」慈善之夜，佢話替古仔開心，邀請佢唱歌嘅契機係兩人去年合作電影《風林火山》後開始有默契，而兩人創作理念亦相近，Juno話同講完想以音樂去演繹一個故事時，古仔冇猶豫就答應，錄音時更充滿感情去做，完全達到預期效果。問到古仔有冇要求唔作Live演出？Juno話︰「籌備時佢有講過唔唱Live，係通過電話講出嚟。」再問有冇信心叫古仔唱Live？佢話︰「咁你哋要問番佢。」
    講番慈善之夜，Juno話早前認識王幼倫後，應邀加入成為領賢慈善基金成員，希望將來多參與慈善活動。籌備整年嘅新專輯將於本星期推出，Juno表示堅持出碟嘅原因係想對實體碟嘅尊重。
    精選娛聞，喺晒《娛果》
    http://fb.com/appledailyent
    empty
    右圖攝影：攝影：陳俊強
    empty
    古天樂同Kay合唱《（一個男人）一個女人和浴室》。
    empty
    MV仲見到Kay嘅身材。
    empty
    故事係講浦銘心.（即係Kay）同第二任丈夫藍定凌（即係古天樂）嘅關係。
    empty
    概念嚟自Juno，佢噚日話同古仔合作完《風林火山》，邀請古仔唱歌，古仔冇猶豫就答應咗。
    empty
    但Juno都話，古仔講咗唔會唱Live…可惜呀。