仲記得09年韓劇《花樣男子》，由李敏鎬帶隊組成嘅韓版F4嘛？

嚟緊10月李敏鎬有套新劇《繼承者》推出，故仔又係講一班讀高中嘅有錢仔有錢女之間嘅友情同愛情，其他三位男角已經落實咗係o依家拍緊《Monstar》嘅姜河那、《朋友2》嘅金宇彬同埋男團ZE:A嘅朴炯植，個個都有一定粉絲，由佢哋組成新版F4，相信又會掀起話題。

至於《繼承者》女主角，就係朴信惠同女團f(x)嘅Krystal。