噚晚填詞人梁栢堅，喺微博改編咗一段黎明嘅《如果這是情》歌詞，歌詞變咗「如果李慧瓊　嫁比關菊英　餓鬼張天愛　暗嗒葉宇澄」...配返音樂去唱嘅話，效果十分爆笑。

梁栢堅之後仲Tag咗黃偉文同小克叫佢哋接龍，黃偉文就繼續接住填:「 如果伍樂城揭穿關德興或者鍾一憲原來係魯平 」之後小克加入戰團:「 王菲與達明上咗LarryKing大姐明好慶唱首金剛經 」最後連盧巧音都填埋一份:「 就當湯鎮業，認錯翁美玲，郭錦恩睇錯張震當laughing 」Wyman最後都收埋尾:「駱應鈞老豆熱吻張愛玲李宇春玩嘢恐嚇李冰冰趙雅芝佢話未見翁美玲誰願紮炮高咗嘅皓正」


講起用人名去填詞，其實多年前高登巴打絲打已經眾志成城，將盧巧音首《三角誌》成首用人名改晒，歌詞仲好啜核，好似「 任劍輝跟你有段情我也為你高興用樂小姐身份見證最不可靠葉宇澄 」(又有葉宇澄!!!!)本地樂隊Tonick仲公開演唱過，現場笑聲不絕o架!邊個話香港人冇創意呢?



三角誌(高登版)byTonick↓↓↓
https://www.youtube.com/watch?v=BD9RD0CXlJM



逢周五隨《蘋果日報》附送嘅時尚美容雜誌《add》第三期雖然早已派完；拎唔到書嘅朋友，可以上番《add》嘅官網 http://add.appledaily.com睇番足本網上版，除咗有何超瓊專訪，仲有好多時裝靚嘢睇！