承接剛剛《製作人們》講到Cindy(IU飾)被白承燦(金秀賢飾)帶到去拍攝,之後去到第二日,白承燦就帶Cindy同其他人集合拍攝,點知Cindy個經理人見到Cindy要受苦咁玩遊戲,就搵羅俊模(車太鉉飾)發火,仲鬧佢。
之後羅俊模就鬧返白承燦,話佢作為一個製作人,點可以因為拍攝而唔畀Cindy食嘢,令白承燦覺得好內疚,仲頭耷耷咁走。不過之後,同白承燦同行嘅攝影師幫白承燦講好說話,話白承燦因為Cindy冇食嘢亦都冇食嘢,令羅俊模有少少誤會。
拍攝之後,白承燦、Cindy同羅俊模及所有同事就一齊去聚會,咁埋得咁橋,卓藝珍(孔孝真飾)亦都帶住佢班同事去同場聚會食飯,而卓藝珍因為Cindy上次喺佢負責嘅《MusicBank》上面著得太暴露,令佢收警告信,所以就當住咁多人暗串Cindy。
卓藝珍仲因為不滿Cindy,不停喺白承燦同羅俊模面前講Cindy壞話,不過羅俊模就幫住Cindy,仲叫卓藝珍唔好咁敏感,搞到卓藝珍呷晒醋,更加唔鐘意Cindy。