47歲美國歌手「籮霸」珍妮花洛庇絲（Jennifer Lopez）今年同棒球手A-Rod拍拖，一直都好甜蜜，點知日前爆出A-Rod疑似偷食醜聞，而籮霸亦都唔簡單，即刻搵私家偵探跟蹤要查明真相！

早前有報導指A-Rod偷食，唔單止約模特兒去酒店開房玩3P，仲同對方彈籮霸人老珠黃，對佢冇晒性趣。雖然籮霸即刻回應話唔信傳聞，但據雜誌《Us Weekly》報導，佢轉個頭就即刻搵私家偵探跟蹤男友，要查明真相，因為佢實在好怕對方會背叛佢，真係陰公！