仲未成功修身嘅周家蔚今日喺土瓜灣出席推彩蛋大賽，佢話 好羨慕蔡少芬生完好似冇生過 ，所以如果佢再生嘅話，唔會再食咁多嘢：「 以前佗囝囝，驗過妊娠嘅糖尿冇超標，所以喪食，搞到囝囝依家鍾意飲人奶多過飲奶粉 。」

講到蔡少芬生咗個B女，搞到洪天明想生多個，周家蔚話：「 我同天明有共識，兩年內會計劃再生 。」佢仲透露天明成日帶囝囝出街，或者探爺爺洪金寶同太嫲。為咗陪囝囝，天明推咗喺內地舉行嘅跳水比賽，不過6月至9月就要去橫店拍嘢，周家蔚話因為酬勞好，所以打算到時帶埋囝囝去探班。



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
 
公投網址： http://facebook.com/AppleDailyGoldenPlum