當年今日
關於我們

【李八方online】索爆孖女捧場 聽壽星老竇陳家洛演講

蘋果日報 2018/06/12 18:04

陳家洛戴耀廷

風雨飄搖下嘅香港,言論自由都岌岌可危。公民黨成員兼浸會大學政治及國際關係學系副教授陳家洛今日中午就同港大法律系副教授戴耀廷(Benny),一齊喺外國記者協會,以「香港自由正受威脅?2018年學者與媒體的挑戰。」為題發表演講。而今日咁啱原來係家洛50歲生日,佢四位千金中,一對孖女Maja同Kaja以及太太都有出席,聽一家之主發表演講,不經不覺,孖女已經亭亭玉立,非常靚女,在場相當受注目。壽星佬話呀,孖女對佢同Benny主講嘅題目都有興趣,所以出席。
而家洛演講時提到,今時今日做大學學者爭取民主、人權和社會進步,真係變得越來越困難,大學因為成日要四出籌錢,唔敢得罪權貴,呢啲與北京友好嘅權貴,不滿大學啲教員製造麻煩,搞到啲年輕人成日走出來抗爭,最終威脅停止捐錢畀大學,最終大學管理層受壓跪低。