地產多聲道：炒家寧願買貴貨別有所圖
蘋果日報 2004/03/24 00:00
近排樓市旺，自然吸引唔少投資者入市，要求特長成交期，方便佢哋喺短期內以摸貨轉手獲利，係佢哋常用嘅策略。
世紀21分行經理楊官華話，近日尖沙嘴擎天半島，就有一個投資者，寧願畀多啲錢，都要成交期長啲，去到半年咁耐。
單位係五座高層B室，八百四十八方呎，以五百一十五萬元成交，每方呎高達六千零七十三元。
由於特別要求成交期特長，所以個單位比起市價貴咗逾一成八。上個月中，同類單位，成交呎價只不過係五千一百二十九元。
楊官華講，嗰位投資者，都係因為睇好下半年嘅樓市，會有一定升幅，先至肯畀高價。
不過，蘭西就覺得，投資者目的，都係低買高賣圖利，賺個差價，若果用高市價買樓炒賣，除非個市真係繼續勁升，唔係投資者嘅風險都幾大㗎。
自由行帶旺舖位交投
自由行帶挈舖位市道大熱，高價成交頻傳。
美聯物業營業董事黃子華話，集團工商舖部，今個月頭十幾日，已經促成逾十億交易。
單係旺角電腦中心一項，就佔咗四億嘞。
睇嚟，今個月佢哋啲收入，都認真唔嘢少。
一向好風趣善搞笑嘅黃子華，就笑住話，可能係旺角旗艦店風水好喎，搬咗入去之後，手風非常順。
跟住先認真咁講，工作環境好咗，自然可以提升效率。
有咁好嘅成績，難怪集團主席黃建業，都親自到嚟，幫同事打氣，等佢哋再努力啲。
世紀21分行經理楊官華話，近日尖沙嘴擎天半島，就有一個投資者，寧願畀多啲錢，都要成交期長啲，去到半年咁耐。
單位係五座高層B室，八百四十八方呎，以五百一十五萬元成交，每方呎高達六千零七十三元。
由於特別要求成交期特長，所以個單位比起市價貴咗逾一成八。上個月中，同類單位，成交呎價只不過係五千一百二十九元。
楊官華講，嗰位投資者，都係因為睇好下半年嘅樓市，會有一定升幅，先至肯畀高價。
不過，蘭西就覺得，投資者目的，都係低買高賣圖利，賺個差價，若果用高市價買樓炒賣，除非個市真係繼續勁升，唔係投資者嘅風險都幾大㗎。
自由行帶挈舖位市道大熱，高價成交頻傳。
美聯物業營業董事黃子華話，集團工商舖部，今個月頭十幾日，已經促成逾十億交易。
單係旺角電腦中心一項，就佔咗四億嘞。
睇嚟，今個月佢哋啲收入，都認真唔嘢少。
一向好風趣善搞笑嘅黃子華，就笑住話，可能係旺角旗艦店風水好喎，搬咗入去之後，手風非常順。
跟住先認真咁講，工作環境好咗，自然可以提升效率。
有咁好嘅成績，難怪集團主席黃建業，都親自到嚟，幫同事打氣，等佢哋再努力啲。
舊年沙士爆發，搞到全港人心惶惶，疫症過後，樓價極速反彈，市場焦點集中喺急升嘅樓價上，唔少市民重飛身入市買樓同炒樓㖭；租務方面就冇乜人留意。
蘭西聽業內人士講，舊年一度撤退嘅日資，𠵱家又陸續重回香港，周圍搵地方租。
初步睇，都係搵紅磡黃埔花園（圖三），同鰂魚涌太古城，呢啲以前租開嘅屋苑。
聽講唔少日籍租客，喺香港租地方，畀一家大細住，自己入內地返工。所以租務市場前景，未必好似有啲業內人士睇得咁暗淡。
發展商同行如敵國，所以好多時樓盤開售，畀報館嘅記者會邀請信，總之愈少資料愈好。
不過，裕泰興就唔同，喺邀請信之外，重畀埋啲樓盤資料大家。
好似今日講開賣詳情嘅沙田艷霞花園，就提到樓盤有幾多座、幾多伙同埋面積及設施等。又講明樓盤嘅意向價每呎六千，全部賣晒，可以套現三億。發展商又會提供兩成二按。
另外，佢哋重話，樓盤朝迎曙光，夕對彩霞，所以改名「艷霞花園」，真係唔講唔知。
今日喺現樓開記招，唔知係咪早得滯，發展商好識做，喺九龍塘同火炭安排專車接送。
蘭西
電郵地址：
黃建業（中）幫黃子華打氣。
（圖三）