石油減價戰加上全球疫情夾擊，觸發環球冧市後，盛傳係下屆特首黑馬嘅財政司司長「波叔」陳茂波，今朝罕有同林鄭月娥喺行會前見記者。由於新聞處喺記者會前約1分鐘先通知傳媒有關安排，唔少記者都感到意外。

林鄭同波叔今日會見傳媒時，喺大部份時間只供特首使用嘅政府咪兜前，3度互換位置，其間林鄭3次稱呼陳茂波嘅方法都唔同；第1次讓位時叫佢「阿Paul」；第2次讓位時就叫佢「FS」；第3次讓位就直頭唔叫佢，純粹自己彈開就算。

至於波叔則始終如一，3次都係以「CE」尊稱連接巿民電話時都強調「我係特首」嘅林鄭。

喺記者會結束時，波叔更同林鄭保持距離，喺林鄭踏出三步後，先至慢慢緊隨離開。似乎特首下屆人選未明朗前，波叔都係步步為營，唔隨便搶韁。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架