韓國女團TWICE嘅台灣成員周子瑜樣子甜美，所以一出道即大受關注。

而今年年頭子瑜因為捲入「台獨風波」令到佢人氣急升，就連佢媽媽黃燕玲都受到追訪，成為新聞人物。嚟緊14號就17歲嘅子瑜有位靚媽媽，佢媽咪保養得好好，一啲都睇唔出已經51歲，而子瑜媽媽年輕時嘅照片近日亦都被網民搵返出嚟，網民終於明白點解子瑜咁靚女。

原來子瑜媽媽年輕時係一名美人，基本上子瑜就遺傳咗媽媽嘅樣貌，同樣擁有瓜子臉及大眼睛，子瑜就正正遺傳咗媽咪嘅優良因子，同媽咪拍埋一齊嘅話，佢哋一啲都唔似母女，反而似足兩姊妹。

另外，子瑜嘅媽咪本身係醫學美容美集團嘅老闆之一，佢曾自爆因為工作須要，而要做白老鼠試唔同嘅產品，當中佢曾打Botox等，所以0依家即使年過50，睇起上嚟都好後生。