【亂市投資攻略】第2場精采播出！股榮：恒指入貨位有三個
蘋果日報 2019/09/30 00:30
唐牛股榮瑞萬通博亂市投資攻略
【亂市投資攻略】第二場
嘉賓：
股榮 投資專欄作家
翁世權 瑞萬通博上市產品銷售部主管
唐牛 投資專欄作家
播出日期：9月30日（一）
播出時間：晚上9時
股榮 投資專欄作家
翁世權 瑞萬通博上市產品銷售部主管
唐牛 投資專欄作家
播出日期：9月30日（一）
播出時間：晚上9時
一連兩場《亂市投資攻略》分享會圓滿結束。第二場分享會有逾百人出席，蘋果日報投資專欄作家股榮、瑞萬通博上市產品銷售部主管翁世權，以及蘋果日報投資專欄作家唐牛無私分享絕密投資大法。
上星期沈大師睇恒指最差見20,000點，股榮今場分享會就引用黃金比率推算，話大市會回調，稱「唔好all-in，記得要分注買貨」，三個入貨位分別是25,000點、22,000點，以及19,000點。
亂市下邊幾隻股票繼續供得過？港鐵（066）同港交所（388）先啱，係咪供得過？依家個市向下喎！幾時開始月供股票大計？股榮大爆金句，話「幾時開始月供並唔重要，最重要係幾時走」，至於邊啲係佢嘅心水股？未來十倍股係邊幾隻？詳情睇片啦！
輪證部署方面，翁世權話「有咩高風險得過同股票談戀愛」，稱短線輪證部署嘅風險唔一定大過長線持有正股。佢又教路輪證出現大成交，有可能係高頻交易導致，但高成交等於高成本，提醒壹會員睇流動量比較重要！分享會期間，翁世權仲提到一隻輪證，話近期有好多資金流入，究竟係咩？
擅於揀「新高股」嘅唐牛教路，炒新高股關鍵在於「憧憬」，好似新地（016）咁，本來憧憬新地能夠在中美貿易戰下獨善其身，而且有穩定高息回報，點知今時今日本港零售市道急轉直下，新地商場又變成逆權運動戰場，見勢色唔對，佢都止蝕離場。想知邊隻股份有幾會爆上？貼咗咩股？仲講？去片啦！
三位名家大講入市攻略，壹會員專心抄筆記，mark實啲止賺位！想知更多，留意周一晚上精彩重溫。
