當年今日

隔牆有耳:吳斌發聲明唔恨做專員 - 李八方

蘋果日報 2010/03/04 00:00


「家唔係你炒我,係我炒你。」唔少打工仔發白日夢時都諗過同老細講呢句對白,現實邊有咁戲劇化?好似今年7月約滿嘅個人資料私隱專員吳斌咁,噚日主動出擊,發聲明話噚日向政制及內地事務局局長林瑞麟明確表示,「唔想被考慮續任,亦不會參與任何遴選程序。」政府連隨出稿回應:「尊重吳先生不尋求再獲委任的決定。」
八方聽聞,早排先俾審計署鬧完嘅吳專員早已意興闌珊,冇諗過政府會同佢續約。佢噚日篇聲明都嗒落有骨,「我覺得現在是引退的適當時刻,讓一位更年輕但難免在私隱規管方面有較少經驗的人接任私隱專員一職。」又話希望繼任人對保障私隱工作充滿熱誠,因為呢份工要求付出嘅「超乎一般公務員D5薪酬可以合理報償」。