人稱八姑娘、澳門賭王何鴻燊胞姐何婉鴻早年喺拔萃女書院畢業，獲頒獎學金入讀港大，後嚟於蘇格蘭愛丁堡大學取得英文教學文憑，回港任教，曾任柏立基教育學院院長，1976年開始喺澳門娛樂公司工作，由香港搬到澳門松山宿舍住，2009年推出著作《八姑娘靈異歷程》，將靈異經歷輯錄成書。

何猷君今日喺網上貼出同八姑娘嘅合照，留言：「祝八姑媽98歲生日快樂！她是學霸中的學霸：香港第一位女狀元，第一位拿獎學金，全免學費進香港大學的女人，如今98歲還能跟我講法語，每個禮拜去打老虎（賭場裏的），真厲害。」相中見八姑娘精神奕奕，拎住個咪唱K，相當精靈。

猷君同八姑媽都係高材生，何猷君18歲同時收到牛津大學同麻省理工學院錄取通知，只係用咗3年時間就讀完學位，去年成為史上最年輕進入MIT攻讀金融碩士嘅學生。