當年今日
關於我們

【父子關係疏離】石田壹成自爆有抑鬱症 家庭和睦只係做戲

蘋果日報 2018/12/20 11:57

飯村貴子石田壹成石田純一

日劇《同一屋簷下》44歲男星石田壹成今年第三度結婚,迎娶20歲舞台劇演員飯村貴子,並於9月誕下囡囡。石田壹成演員父親石田純一同樣有三段婚姻,除咗石田壹成,佢同第二任太太松原千明都育有一女Sumire,與現任太太就有三個小朋友,佢哋一向表現和睦,不過近日石田壹成受訪就透露與父親關係疏離,平日表現感情好只係演戲,佢又自爆有情緒問題。
石田壹成接受《女性SEVEN》訪問時透露,自小父母異離,佢於16歲先與爸爸石田純一重聚,石田純一對佢嘅關心,與其現時囝囝理汰郎可謂差天共地。對於外間一直覺得佢哋一家人關係好好,石田壹成就話一切都係扮出嚟:「最近都冇去父親屋企,之前參加過理汰郎的生日派對,但父親講的都是關於工作,完全沒有關於家人的說話。有時都會覺得恐怖,好似一家人都戴住面具,全部都是演員,大家都只是扮家人,沒有人講出心底話。」
石田壹成又提到與爸爸石田純一有心病,錢都是其中一個原因,佢話知道自己當紅時期,照爸爸意思交由個人事務所管理事務,但該公司其實係經營其他生意,要以石田壹成賺嘅錢還債,涉及金額以1億日圓(約700萬港元)計算,佢有感被父親出賣。石田壹成話自三月後已經冇同爸爸見面,喺囡囡出世時有打過畀對方,不過石田純一當時電話收得唔好收咗線,亦對孫女冇乜特別關心。
講到現時工作,石田壹成話經常被笑禿頭,有育髮廣告搵佢做代言人,亦有於細規模福利機構工作,不過現正佢正治療抑鬱症,情況唔係好嚴重,暫時唔可以做幕前工作。最後石田壹成話自己唔係恨爸爸石田純一,只係現時無父子嘅感覺,佢亦希望日後可以真心叫聲「爸爸」。
精選娛聞,喺晒《娛果》
http://fb.com/appledailyent
empty
石田壹成又自爆與父親石田純一關係差,未如外界所想咁好
empty
石田壹成同Sumire一直表現得好錫細佬
empty
與繼母亦相處得唔錯
empty
石田壹成現任太太係只得20歲嘅飯村貴子