當年今日
關於我們

【fact-check】武肺下出心又出力 傳C朗將旗下酒店變做醫院

蘋果日報 2020/03/15 17:40

基斯坦奴朗拿度武漢肺炎

【新增動新聞】
武漢肺炎嘅疫情最近持續喺歐美地區爆發,過去一個禮拜,球壇不斷都有球員、班主同主帥不幸染病。繼早前意甲班霸祖雲達斯有後衞魯加尼確診後,就連葡萄牙球星基斯坦奴朗拿度(C朗)都傳出喺病毒測試出現陽性反應,不過有馬德拉負責公共衞生工作嘅官員就表示,C朗喺事發之前已經返咗葡萄牙鄉下馬德拉探望母親,而且並冇確診武肺。最近《馬卡報》更報道,C朗會將旗下兩間位於葡萄牙里斯本同埋馬德拉《Pestana CR7》嘅酒店改裝成醫院,用作對抗疫情。
該報道指,C朗將自己旗下兩間位於葡萄牙嘅酒店改裝成醫院,仲會免費畀一眾病人免費居住,就連醫護人員嘅人工都由呢位葡萄牙球星一手包辦,實在對得住自己「慈善球王」呢個名。呢個消息本來係由C朗嘅好朋友卡爾斯(Edgar Caires)喺Instagram上邊發佈出嚟,《馬卡報》都有引用到卡爾斯嘅貼文,但目前呢位C朗好友已經將嗰條貼文刪除。加上目前Pestana CR7酒店嘅官方網站都冇任何會將酒店改成醫院嘅消息,所以呢件新聞嘅真實性仍然有待確認。
至於C朗已經唔係第一次畀假新聞困擾,之前曾經傳過今年C朗會同意大利發展商合作,喺智利興建一間兒科醫院。但係隨後C朗嘅發言人就出嚟話呢個係假新聞,C朗並冇打算要喺智利興建醫院。所以現階段仍然未能夠證實到C朗將酒店改裝成醫院呢一件事屬實,而且C朗亦都未有喺網上提過呢件事,所以各位球迷都毋需信到十足。
-----------------------------
【武漢肺炎】專頁
全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
--------------------
【撐學生】召集有心人 撐學生全年睇《蘋果》
立即按此
--------------------
《體蘋果》陪你睇波講波
https://www.fb.com/appledailysports
empty
網傳C朗將旗下酒店改裝成醫院,為病人免費提供醫療服務,所以開支由自己一力承擔。
empty
位於葡萄牙馬德拉的《Pestana CR7》酒店。