楊千嬅今日就著住大DeepV出席一個珠寶活動，佢就話每年老公丁子高都會設計一個飾物畀佢，不過結咗婚就冇，但阿仔出世嗰日就有。

講到楊思琦同鍾嘉欣嘅「《人生馬戲團》事件」，千嬅聽到就呆喇，問到佢有冇遇過恐怖事，千嬅就即刻摸一摸個背景板話：「Touchwood暫時都冇，好驚，拍戲啲嘢好難講，因為多數都唔係大城市，保安要做好啲，喺外地做騷呢，多數都會有保安安排，同埋都唔會出夜街，不過我好緊張屋企，可以即日來回都會即日來回。」

問到千嬅有冇遇過黑會收「陀地」，佢就話唔知，仲講笑話：「我知《陀地驅魔人》喎，到時都會支持張家輝。」