中視金橋（623）受惠祖國媒體廣告熱爆需求，嚟緊日子繼續肥仔水，要買。中視金橋主打祖國媒體廣告營運，兼且係央視電視廣告時間嘅最大私營銷售代理之一，有呢個牌頭，已經係優勢。而集團呢期啱公佈2010年度（12月底止）業績，純利就翻過半番到1.58億銀（人仔．下同），PE得番8字頭單位數，已經好省鏡。再講，祖國經濟keep住高增長，廣告需求亦都熱爆，好似今年央視廣告招標額，超出100億銀，再創出17年新高。
中視金橋食住超靚勢頭，繼續肥仔水。唔好估多，集團2011年度純利，係咁意增長25%到1.98億銀，預期PE跌到得番6.9倍，直情靚爆鏡。而對上星期，中視金橋經單日急升，似係打緊上升旗，趁呢轉買入，博翻半番到4.2港銀，集團預期PE，不過10倍多啲。