曾出演韓國人氣親子節目《超人回來了》嘅男星宋一國同三胞胎，現時雖然已退出節目，但三胞胎人氣依然高企。而三胞胎因為媽咪鄭勝妍要喺法國巴黎研修1年，所以宋一國就要做空中飛人，不時要韓國法國兩邊走，而三胞胎亦留喺巴黎陪媽咪。

之前有網民就捕獲三胞胎排隊參觀羅浮宮，到前日有網民就喺韓國仁川機場捕獲三胞胎同佢哋媽媽及疑似外婆，但就唔見宋一國，網民指民國十分可愛，又指外婆叫三胞胎唔好打擾其他小朋友，似乎應該係三胞胎不斷講嘢太嘈關係先畀外婆咁樣話。

而照片中，可見三胞胎着上同一款服飾，大韓同萬歲都戴上眼鏡，三胞胎坐喺候機室，似乎等緊啲行李，唔知係唔係返韓國見老竇宋一國呢？