【特約報導】俗語說：「千金在手，不如一技傍身。」只因一技可以幫你賺取不止千金，而這句話亦符合到現時建造業界的工作狀況，由於行業人手短缺，只要具備理論知識及實務技術，年輕人不愁沒有出路。香港建造學院院長黃君華表示學院提供各類有關建造業學科及工藝課程，讓有興趣的人士報讀，而且十分適合DSE的畢業生。當中正在修讀的Kim（金妙嬋）及阿明（黃灌明）均是看好建造業的前景，他們認為課程實用，可以好好的裝備自己，為投入建造業界做好準備。

香港建造學院院長黃君華表示未來10年將有不同類型的大小基建工程項目，對建造業從業員的需求很大，「據政府估算，嚟緊10年每年工程量會超過2,500億，約需要5,000至10,000名技術工人；另外，現時建造業面臨緊老化嘅問題，從業員平均年齡係48至50歲，急需新血加入，所以年輕人入行會有優勢及機會。」

有見及此，學院提供高等文憑課程、建造文憑課程及建造證書課程，讓DSE畢業生報讀。黃院長說︰「DSE考生可因應成績報讀唔同嘅課程，課程免學費之餘，學員每月仲有$3,600津貼，令學員可以更專注學習。建造文憑課程係我哋學院喺上年新推出，目前陸續為課程進行資歷架構評審，其中油漆及裝飾建造文憑已獲評定為資歷架構第三級。」

5個專業工藝文憑課程
因應市場需要，建造學院的文憑課程提供，「油漆及裝飾」、「砌磚、批盪及鋪瓦」、「細木工藝」、「金工及焊接」及「鋼筋屈紮」5項不同的工藝，讓學員可因應自己的興趣挑選一門工藝作主修。阿明（黃灌明）因看好建造業的前景，於17年DSE畢業後，報讀了香港建造學院的油漆及裝飾建造文憑，「喺學校聽咗建造業議會嘅講座，知道建造業行內欠缺人手，會有唔錯嘅就業機會。裝修及新樓宇都會需要油漆，我覺得工作機會多啲，於是揀咗呢科。」

阿明認為課程理論與技術並重，讓他掌握到專業的手藝，「初時以為油漆只係簡單拎個油掃就得，但課程原來要學油漆技術、工藝原理、施工規範、平水繩墨等知識。當中要學各種漆油嘅應用，例如乳膠漆、叻架、磁漆等，需要相應嘅工序及技術，好似磁漆易有流眼淚嘅情況，就要用到十字掃法，有好多技巧要學。除咗油牆外，仲會學埋傢俬上色，課程內容好充實。」

課程都啱女仔讀
建造業有不錯的前景，亦吸引Kim（金妙嬋）在上年報讀工料測量高等文憑，「喺16年DSE畢業後，我去咗IVE讀旅遊，但讀咗兩個學期後覺得唔啱自己，之後喺朋友介紹下睇咗建造學院嘅資料，覺得建造業有工作前景，發現工料測量嘅工作主要係根據圖則，去計算鋼筋、混凝土等建築物料嘅用量清單，多數係辦公室工作，覺得啱女仔做，係一個唔錯嘅選擇。」

高等文憑課程為期2年，為了培養全面的從業員，學員會在院校內接受專門的技術實務訓練、學習專業知識及正確的施工程序。Kim說︰「雖然工料測量多數係計數及文字工作，但學院都有安排我哋去學習油漆、砌磚、批盪及木工等唔同嘅建築工藝，令我對實際嘅施工環境及工程運作有進一步嘅認識，有助我預估工程嘅完成時間、所需要嘅材料及工程嘅人手安排。」

實習提升應用技巧
黃院長表示學院一直關注學員的就業狀況，而且有全方位的就業輔導服務，令學員能更易投入建造業界工作。「學院與業界一直保持聯繫，為學生提供唔同嘅實習機會，令佢哋日後可以迅速融入工作環境。據統計，高等文憑課程及建造證書課程嘅畢業生，投身建造業嘅就業率分別為99%及95%以上，就業率十分之高。」

現正進行實習的阿Kim，便參加了承建商合作培訓計劃，「學院之前有安排唔同嘅承建商、建築公司嚟學院，只要通過面試就可以成功參加承建商合作培訓計劃。現時我去咗一間承建商公司實習，工作主要係做文書處理、核對文件及工料測量嘅計算等，令我明白實際嘅工作狀況，只要表現得好，喺畢業之後，有好大機會成為公司嘅正式員工。」

銜接學士課程
對於在香港建造學院就讀的學員，黃院長表示學校有推出不同的銜接計劃，讓學員可以因應自己的需要作出選擇。「修讀香港建造學院高等文憑課程嘅同學，可以同步兼讀VTC相關嘅高級文憑課程，畢業後可以揀喺行內工作，或者繼續進修學士學位課程。文憑及證書課程嘅同學就可同步兼讀VTC相關嘅2年制基礎課程，畢業生可以參與技工學徒計劃，或者完成所有課程再升讀相關的高級文憑課程。」

快畢業的阿明表示會參與2年制的技工學徒計劃，「會繼續喺行內發展，屋企人都支持我去學一門技藝旁身，學院安排好學徒計劃，自己唔使煩，又可以向更高職位進發，都幾唔錯。」

搵好工，即上 http://www.ecjobs.com.hk