日本組合SMAP出道26周年，可惜三位成員草彅剛、香取慎吾及稻垣吾郎決定離巢，令SMAP正式成為過去式。

三子於1987年加入尊尼事務所，當約滿後終於同尊尼分道揚鑣，三人暫時未簽約其他事務所，現階段以獨立姿態發展，至於SMAP另外兩位成員木村拓哉同中居正廣會繼續效力尊尼。

尊尼官網已刪走草彅、香取及稻垣嘅專頁，年屆85歲嘅尊尼社長喜多川都有向傳媒發表對三子離巢心情，喜多川自言視三人為「親生仔」，並稱：「看見孩子們逐漸成長是最高興的事，我會繼續支持。」至於跟三子鬧不和嘅木村，噚晚如常為TOKYO FM電台開咪做節目，趁呢個時刻揀咗SMAP嘅歌曲《This is Love》，仲以歌中一句歌詞「Everything's is gonna be alright！」憑歌寄意送予三位舊隊友。