該民主派中人指,面對13萬市民上街,再加上越來越多溫和建制派也對現方案有保留,更有人提出不同修改方案,「林鄭心知肚明,反對聲音只會越嚟越多、越嚟越大,而溫和派反對同修改建議,對林鄭『殺傷力』更大」,所以他估計林鄭將所有反對意見打成「極端言論」,再將北京擺上枱,「將反對逃犯修訂提升到挑起中央同香港矛頭嘅層次,想恐嚇溫和派同建制派,邊個再反對、再鬧政府唔肯改,就係挑戰中央、搞中央同香港有矛盾」。
不過也有政界人士認為,北京至今對逃犯修訂的表態,也是港府提出、中央支持,「中央唔想公然直接插手、更加唔想人覺得係中央指令去做」,而林鄭今次拿反對逃犯修訂等同挑起中央和香港矛盾做擋箭牌,「等同拉埋北京落水,要同林鄭一齊孭逃犯修訂呢隻鑊,但𠵱家北京自己都畀西方國家用經貿、人權議題圍攻緊,會唔會想孭埋《逃犯條例》上身,畀外國又多個理由話北京破壞一國兩制?」
季陶
周一、三、五刊出