上周六（8日）頭場陳嘉熙騎葉楚航馬房「燈胆精英」，好難估會熱到得16蚊。這匹到港後從未贏過的五歲馬配減十磅見習生，真係熱得有點兒過份。

所以，今季未輸過的馬王「美麗傳承」於較早時仲有15蚊畀你賭其實好筍！就算上周六尾場「金鎗六十」，之前兩場以大超班馬姿態贏，再加埋馬房同日較早場次有頭馬進賬，最終都有18蚊。

點解「燈胆精英」熱到得16蚊？較合理解釋是因為同場對手更加揀唔落手，再加上該駒轉倉初出，埋門試閘見好而用陳嘉熙有十磅減，從統計角度，上述都是賽馬利好因素，所以「相對」下較對手更具可塑性。

之前也提過，近期頻頻出現這類不足廿蚊的全熱門，一來不是隻隻贏到，二來有不少像「燈胆精英」屬於「相對熱門」，而非本身實力超卓的「絕對熱門」。

出現了這種現象，皆因揀選「相對熱門」乃電腦程式甚至人工智能強項，要每場揀一匹同類馬下注，更可能是固定的任務，散戶根本無必要照跟。

回說陳嘉熙有十磅可減，足以令他成為惹火尤物，不過現階段還是只舞得掂前置馬。今次（12日）小伙子第六場再夥拍前仗夾檔贏泥地1200米的「地大大」，以當日末段甩韁繩仍勝，跑泥地評分應未飽和，仍可再追。

至於第五場廐侶「星叻」早前贏泥地1200米，擊退的「君悅灣」及「天賜寶」其後分別在同程補中，今次「星叻」有陳嘉熙減十磅優勢，有條件成為「絕對熱門」。

-----------------------------
【新聞有價】6月17日起 繼續撐蘋果
http://bit.ly/2IJ24ZR