森美今朝一早返商台開咪，大約下午一點多，佢就隻身徒步離開商台，喺門外接受訪問，佢承認身為男仕出入無女同事咁驚，亦明白有聽眾可能習慣每日都收聽節目，久而久之就幻想同DJ們關係親切稔熟，佢話：「有時喺街度撞到時，佢就會覺得DJ當佢哋係陌生人，點解無咁友善同咁冷淡，正常聽眾可能會明白呢個落差，但遇上情神有問題嘅人就可能會較難理解。」

現時出入都會較小心一點，尤其夜晚返公司時會先通知同事及保安，佢本人就無特別致電去關心麻利，但一班同事電話群組中就有關心下同互相交換最新消息，至於Donald就休養當中，佢都無特別騷擾對方休息，對於麻利早前經已報警備案，森美覺得事件已經交畀警方處理，要睇警方係手軟定落力去做。問到佢有無遇過熱情Fans騷擾？佢話：「都係信件，有啲Fans可能會對我嚴苛啲，喺宗教信仰或者一啲無理由原因上出現謾罵，若果佢哋無再進一步行動，我都會當係小事一則。」