沒有雷神的日子，一眾華將騎師成績上升，目前十大騎師榜中，本地薑佔六席，這股華將熱潮預計將可持續。今戰睇好第四場梁家俊的「至尊大師」可再贏。

第四場四班1400米：大師兄告東尼一向支持本土騎師，「至尊大師」棄田泰安用梁家俊，究竟甚麼原因不得而知，但就肯定前者今場坐冷板。

此駒何以上季表現未如理想，可歸咎於粗身馬，需要時間適應，一直未找到最佳跑法，今季五歲大熟黃金期，演出立即脫胎換骨，初出改用前領戰略即取得頭馬，負130磅沿途與「堅離地」互燒，第二段開21秒3，拉士仍力拒「潮州小子」贏馬，雙雙彈甩主馬群三個身位。

後駒再出跑第二，確認高水準演出，加五分回四班負少13磅，環顧同場無馬快，可以單騎領放，留意今季沙田賽事無論跑任何移欄，都大利前置馬匹，本身跑法主動，可望再下一城。

第六場三班1600米：三T尾關，看似一組亂局，實際沒有步速場合，「鋒芒畢露」黃俊接手後四戰冠亞季各一，贏馬就是同程田草1600米，當日以一放到底姿態大勝「佳知武士」四個馬位。

今日形勢大致相同，上月初谷草首戰，有人話放得太快致敗，反而我認為賽事水準極高，環顧當晚谷草B欄不利貼欄前領，但放到埋門50米才力弱，守二三位的「萬事醒」及「雷公鑿」全無招架能力，不敵「琴心星」及「快樂神駒」跑第三。

後駒再出仍跑第二，更突顯「鋒芒畢露」評分仍有上升空間，拼後再安排大閘，對一匹血管有血、右腳曾嚴重傷患馬來講，頂得辣操就係好現象，黃俊只要出閘坐穩順住走，捉實前段不扯得太快的話，贏面極高。