剛公佈中期業績的恒基地產(012),股價本月中已升破由今年1月初高位34.10元延伸的下降軌,近期在27元水平上落,昨日隨大市下跌2.6%,報收26.20元,短線走勢似受制50日線阻力。如果想買,可吼回至25元邊「上車」。
坊間券商對恒地評價都幾參差,其中高盛睇法麻麻哋,認為其財資業務表現令人失望,因而調低恒地2009年至2011年度每股盈利預測,其中09年調低8%,維持「沽售」評級,12個月目標價得24.35元。不過,大摩及摩通則稍為睇好些少,觀點主要係恒地估值不高、土儲成本低,係地產股中較具防守力股份之一。
方星俠